網頁

2010年5月27日星期四

猜猜猜~點解個包包係橙黃色?


材料:
高粉          250g
小麥胚芽 12g
糖              20g
鹽              3~5g
速酵母       1tsp

油               1tbsp
橙汁           90g
水               60g

黄畺粉   1.5~2g             
餡料 : 罐頭咖喱吞拿魚+自炒咖哩洋蔥(咁啱家裡有!!)
製法:
1. 混合所有材料, 搓至光滑面, 蓋好, 首次發酵, 大約60分鐘
2. 排氣, 滾圓, 第二次發酵15分鐘
3. 做形, 包入餡, 排放在烤盤, 最後發酵60分鐘
4. 預熱爐200度, 入爐前改為180度,  焗到有香味便成。

未焗前, 金金黄黄, 顏色好靚, 可加色至橙色。。。

看。。。 個個黄金包, 圓圓滑滑。。。
 
個包未涼透我便切開, 因已10pm多, 晚餐都未食, 唔等得喇! 聞到麵包香才有餓感, 但我每次食未涼透包, 我的胃都唔舒適, 因此時包包熟酸性! 放涼後才中和咗酵母的酸性。
這個包係我創做出來, 揾唔到食譜嫁, 百分百純天然, 沒添加, 係健康包包之一!

再俾多個提示大家, 常食可防老人癡呆症!

2010年5月26日星期三

薑酵素~發汗治感冒

前排食得生冷野多, 懶落星氣温日日悶熱到34~35度,
食到胃寒哂, 某夜晚餐後極辛苦,
突然。。。反胃。。。吐得干干淨淨。。。
當夜好辛苦呢。。。攬住個肚半昏半睡。。。全身發冷汗。。。
胃寒反應到半夜才散。。。迷迷糊糊的挨到天光。。。
當時在想。。。
有杯薑湯/茶飲便不用咁辛苦。。。
之前沒有薑習慣, 家吓要改了。。。
薑酵素因此而生。。。
材料:
薑 400~500g
檸檬 1pc
香茅 2支
庶糖 400g
蜜糖 適量
消毒樽
做法 :
1. 薑洗淨, 風乾, 切絲/條/片也可, 我連皮用
2. 香茅洗淨, 風乾, 切段, 檸檬去皮去籽, 切片
3. 又來層層疊疊, 最後一層檸檬片, 庶糖盍過檸檬面, 後舖一層蜜糖, 盍好蓋
4. 需發酵1個月
薑較少水份, 以蜜糖來引發薑水分, 我在頭2~3天都有+蜜糖於面。。。
薑是比較文靜, 泡泡不會好多。。。

第一日: 初入樽 

因薑太多, 我分了2樽, 厘樽效少, 但薑汁在頭一晚已出, 仲有泡沫添, 酵素好活躍。。。

第二晚: 另一樽份量效多的也出薑汁, 同水果酵素比, 確是少d水份, 我+蜜糖於面

把檸檬片和香茅掉去, 張2樽入落1樽;
已1個月了, 聞吓~好香薑蜜味,  試吓味~

我放了幾粒冰和薑酵素攪碎同飲, 辣辣、甜甜、蜜蜜、冰冰的很好味, 飲完真的身體好熱!

功能 :
薑~防癌抗癌, 抗脂肪, 抗氧化, 治感冒, 減輕暈吐, 噁心, 抗凝血, 預防膽結石。
請注意~如有口乾、喉痛、便秘等症狀, 不宜服用。
資料來自~酵素自療 
 

2010年5月25日星期二

甜柑酵素~自己實驗

一向食柑、芒果都會濕熱, 故不敢食,
書上說酵素沒有分涼和熱,
又做吓實驗, 試吓飲柑酵素, 看...身體反應如何!
材料:
甜柑 11個(因試食了1個) 660g+/-
檸檬 3個(除個人喜好, 但最少要1個) 270g+/-
冰糖 450g(可+到同水果一樣重, 太少怕不夠)
消毒樽 1個
第一日

第三日~只出果汁, 沒其它動靜....

第四晚~泡泡開始升出來, 從下而上....

第五日中午~好多泡泡吖, d甜柑色淡到同檸檬差不多, 有dd泡泡跑出來...仍好香果味但帶少少酵素咪...

第十二~三日, 面上的泡沫已散哂, 間中才升幾個泡泡, 柑和檸檬已汁乾!

第十四目~隔渣、汁液入樽, 一個月內飲用完; 試味~有點苦澀, 不太酸, 可能冰糖不夠!

釀制酵素的環境不可太大塵, 空氣流通和爽較合適, 室温18-23度較好, 但我家常常室温過高, 時不時28度以上, 又ok喎, 如室温過底, 可延長釀造時間。。。。

酵素的巧能: (其中一個)
分解廢物~這是酵素最重要的功能,藉由分解作用, 排除患處或血管裡的濃水、污物、鐵、水飯、銅等有害金屬, 使身體回復正常; 同時有助於消化液的分泌, 促進食物的消化與吸收。
資料來自~酵素自療 

2010年5月24日星期一

味噌醃蘿蔔~爽爽脆脆


味噌好有益, 但除了味噌湯就唔知點食, 從書上讀到可用來醃蘿蔔, 不防一試。 。 。 。
材料:
蘿蔔 350g~400g
味噌 1.5tbsp(我用減鹽25%)
百香果 1個(passion fruit)

蜜糖 適量

檸檬汁 1/2個
醃汁可試味, 咸甜酸味對自己口味為準! 也可+入辣椒/乾增加風味。
制法:
1. 蘿蔔洗淨去皮, 切塊、粒、條型隨意, 用適量海鹽醃1/2小時, 沖洗, 去多剩水份
2. 勻合好醃汁同蘿蔔撈勻, 入樽, 可用石頭或別的東西放在蘿蔔上才閉盍, 因蘿蔔出水而浮起
3. 第2~3日攪拌吓, 此時好香、好香, 聞味十二分吸引, (試食一件....e....苦嘅!) 未得吖!
4. 醃到第五天, 蘿蔔入了味, 可食用, 但未夠醇
5. 醃上7天以上, 味道醇和, 蘿蔔爽脆好味, 單嘗那醃汁也很正呢!

甜酸蘿蔔食得多, 來一個咸香酸甜也不錯呢!
功效: 化氣消滯
白蘿蔔含有豐富維生素C, 蛋白質, 醣類,  鐵, 磷等等,
能清熱生津, 化痰止咳, 化氣消滯。
資料來自~酵素自療

味噌醃蘿蔔~爽爽脆脆


味噌好有益, 但除了味噌湯就唔知點食, 從書上讀到可用來醃蘿蔔, 不防一試。 。 。 。
材料:
蘿蔔 350g~400g
味噌 1.5tbsp(我用減鹽25%)
百香果 1個(passion fruit)

蜜糖 適量

檸檬汁 1/2個
醃汁可試味, 咸甜酸味對自己口味為準! 也可+入辣椒/乾增加風味。
制法:
1. 蘿蔔洗淨去皮, 切塊、粒、條型隨意, 用適量海鹽醃1/2小時, 沖洗, 去多剩水份
2. 勻合好醃汁同蘿蔔撈勻, 入樽, 可用石頭或別的東西放在蘿蔔上才閉盍, 因蘿蔔出水而浮起
3. 第2~3日攪拌吓, 此時好香、好香, 聞味十二分吸引, (試食一件....e....苦嘅!) 未得吖!
4. 醃到第五天, 蘿蔔入了味, 可食用, 但未夠醇
5. 醃上7天以上, 味道醇和, 蘿蔔爽脆好味, 單嘗那醃汁也很正呢!

甜酸蘿蔔食得多, 來一個咸香酸甜也不錯呢!
功效: 化氣消滯
白蘿蔔含有豐富維生素C, 蛋白質, 醣類,  鐵, 磷等等,
能清熱生津, 化痰止咳, 化氣消滯。
資料來自~酵素自療

2010年5月21日星期五

韓式泡白蘿蔔


停不了。。。繼續泡。。。
一樣的多葱。。。
醃料同上次做韓式泡菜一樣~自家醃漬韓式泡菜
今次改用白蘿蔔代替紹菜/娃娃菜, 貪其爽脆口感。。。
我只做了半條蘿蔔+多多葱和紅蘿蔔, 作涼伴菜真的很可口呢。。。

近來超市賣的葱好幼嫩, 醃了生食很好吃, 葱刺味全無 。。。

2010年5月19日星期三

自家制~魚麵、蛋麵、綠茶麵、紫菜麵、烏冬

對個壓麵機有點着迷.....
魚麵
中筋麵粉+魚茸
1. 麵粉漸漸+入魚茸中, 搓勻, 麵粉份量視乎魚茸有多濕, 可吸收而定;
2. 靜止20mins
3. 過壓麵機至平滑, 切條便成
4. 用滾水氽過, 後過冷河, 可放湯或炒
口感: 有點綿, 不太彈牙, 但不是淋, 有淡淡魚肉香味。


蛋麵
高粉 100g
蛋汁 15g
鹽 少許
水 30g
1. 搓勻所有材料, 靜止20mins
2. 過壓麵機至平滑, 切條便成
3. 用滾水氽過, 後過冷河, 可放湯或炒
口感: 彈牙爽口, 味道清新; 用中筋粉代高粉, 分別不大。


綠茶麵
1. 材料同蛋麵一樣, 但+了1tsp綠茶粉
2. 做法也一樣
口感: 比較淋和綿身, 綠菜味不現, 或者我放得少。


紫菜麵
1. 材料同蛋麵一樣, 但+了1.5tsp碎紫菜
2. 做法也一樣
口感: 爽口, 味道清新, 較特別!

三種麵炒埋一碟, 只此一家!

烏冬
高粉 100g
中/低粉 200g
鹽 2.5tsp
水125ml
1. 鹽溶於水, 粉類過sieve, 鹽水漸漸+入粉中
2. 搓勻, 靜止1hrs
3. 過壓麵機至半滑, 再靜止20mins
4. 切條狀, 每條拉長, 便成
5. 用滾水氽過, 後過冷河便成, 可放湯或炒
口感: 須沒蛋麵的彈牙, 但味道清新引人, 我試1條時, 有驚喜, 不消半刻, 頭1 batch淨食哂呢! 好正!

題外話: 做烏冬當日有些情緒化, 我強行麵糰過機, 部壓麵機罷工了!

2010年5月14日星期五

酸酸甜甜~檸檬酵素~減肥

材料比例~ 1:1
檸檬去皮去籽, 盡去白色皮, 切片
冰糖適量
消毒過的瓶, 放涼
我的做法:
1. 低層冰糖
2. 檸檬片平放, 至中層再放冰糖, 才平放所有檸檬片
3. 最後一層全是冰糖(好重要), 可被免發霉, 盍好蓋
4. 第2和3日, 搖吓個樽, 醒一醒d酵菌
5. 第4日起至等14日, 每天打開盍, 讓酵素呼吸, 要看守着, 因怕飛蚊飛進去, 破壞和產卵
6. 第5點好重要, 有呼吸的酵素, 沒有酒精味的, 每次開盍酒精味最先發放, 片刻後酵素味慢慢提升, 如果盍蓋到釀制完成, 會重酒精味的。

第一日, 初入樽

第2......7日, 好多泡泡升上來, 冰糖也溶得7788....

頭一星期, 檸檬汁清澈晶瑩, 淡淡水晶黄好吸引!

這是12~13日了, 檸檬汁巳渾凟, 但仍不斷有泡泡上升, 今次我多放了一支香茅, 沒特別作用, 只是雪櫃剛巧有!

第14日~檸檬片已乾身, 釀制完成!

今次好成功, 倒出的酵素好活潑, 好多泡沫, 聞味清香, 看白白的泡沫多細緻! 


檸檬片已沒有水份, 9個得出這個份量!
味道~酸酸甜甜, 十分順喉味美! 我以1:5酵素和水比例來飲, 希望可消消脂肪, 減體內肥膏!
酵素在一個月內要飲完!
功效: 減壓醒腦
  • 檸檬酸和檸檬多酚能預深靜脈栓塞、調整血液循環, 強化血管、防止動脈硬化, 熟鹼性物質;
  • 檸檬性温、味苦、無毒, 可祛暑安胎、疏滯、健胃、止痛、止渴生津功能;
  • 具强力的殺菌作用, 治療輕感冒、增强抵抗力、消除疲勞、減壓醒腦、促進食慾、袪斑美白、減肥等。
資料來自酵素自療

您或許對這些文章有興趣: